АВТОКЛАВТАЛМАҒАН ГАЗОБЕТОНҒА СУЛЬФОНАТ НАТРИЙ ҚОСУДЫҢ ӘСЕРІ
DOI:
https://doi.org/10.62724/202610702Кілт сөздер:
Газдалған бетон, натрий сульфонаты, автоклавталмаған қатаю, алюминий ұнтағы, кеуекті құрылым.Аңдатпа
Бұл жұмыста қоспа құрамында газ түзілу процесін тұрақтандыру үшін қолданылатын натрий сульфонаты қосылған автоклавсыз газбетонды алу ерекшеліктері зерттеледі. Зерттеудің өзектілігі автоклавтық өңдеуден бас тарту арқылы өндірістегі энергия шығынын азайта отырып, газбетон бұйымдарының сапасы мен пайдалану қасиеттерін арттыру қажеттілігімен байланысты. Жұмыста материалдың кеуекті құрылымының қалыптасуы барысында жүретін газ түзілуінің негізгі химиялық механизмдері қарастырылған. Сонымен қатар, беттік-белсенді қоспаның газ көпіршіктерін тұрақтандырудағы және газбетон құрылымында кеуектердің біркелкі таралуын қамтамасыз етудегі рөлі талданады.
Зерттеу барысында натрий сульфонатының материалдың құрылым түзілу процестеріне, кеуектіліктің қалыптасуына және алынатын материалдың физика-механикалық қасиеттеріне әсері анықталды. Эксперименттік нәтижелер негізінде жобаланатын бұйымдардың тығыздығына байланысты қоспаның оңтайлы мөлшері белгіленді. Зерттеу нәтижелері натрий сульфонатын қолдану автоклавсыз газбетонның кеуекті құрылымын жақсартып, оның беріктігін арттыратынын және орташа тығыздығын төмендететінін көрсетті. Бұл материалды құрылыс саласында тиімді пайдалануға мүмкіндік береді.
##plugins.themes.default.displayStats.downloads##
