ЕТ ӨНІМІНІҢ ЭНЕРГИЯЛЫҚ ҚҰНДЫЛЫҒЫ МЕН ҚОРЕКТІК ЗАТТАРДЫҢ ШЫҒЫМЫНА ІСЕК ГЕНОТИПТЕРІНІҢ ӘСЕРІ

Аңдатпа

Мақалада әртүрлі генотипті ісектердің ет өнімділігі мен оның сапасын салыстырмалы талдау нәтижелері келтірілген. Зерттеу нысаны ретінде романов қой тұқымының таза тұқымды жануарлары (I топ), сондай-ақ бірінші ұрпақтың  ½ еділбай х ½ романов будандары (II топ) және екінші ұрпақтағы ¾ еділбай х ¼ романов будандары (III топ) алынды.

Зерттеу барысында қойлардың генотипінің еттің қоректік заттарының шығымына және энергиялық құндылығына айтарлықтай әсер ететіні анықталды. Жұмыс барысында 1 кг жеуге жарамды ұшаның бөлік етіндегі құрғақ заттар мөлшері 319,2–354,2 г аралығында, экстракцияланған май — 111,0–134,7 г, ақуыз — 198,1–209,1 г шегінде ауытқығаны анықталды. Энергия концентрациясы үлгілерде 7722–8834 кДж аралығында болды.

Сапалық көрсеткіштердің талдауы нәтижесінде еттің ақуыз пен майдың қатынасы 1:0,56 – 1:0,64 аралығында, еттің жетілу деңгейі 16,30–20,86% құрады. Ет өнімдерінің қоректік заттарының мөлшері, энергия концентрациясы және жетілу деңгейі бойынша минималды көрсеткіштер таза тұқымды романов ісектеріне тән екендігі анықталды. Алынған деректер биологиялық тұрғыдан толыққанды қой етін өндіру үшін ең тиімді генотиптік комбинацияларды ғылыми негізде таңдауға мүмкіндік береді.