ІСКЕРЛІК АҒЫЛШЫН ТІЛІНІҢ ДИСКУРСЫНДАҒЫ СЕНДІРУ ПРАГМАТИКАНЫҢ КАТЕГОРИЯСЫ РЕТІНДЕ

Аңдатпа

Мақаланың мақсаты – іскерлік ағылшын дискурсындағы тіл арқылы прагматика санаты болып табылатын сендіру стратегияларының ықпалын анықтау.

Зерттеу жұмысы іскерлік қарым-қатынаста сендірудің жүзеге асырылуының тілдік механизмдерін анықтауға бағытталған. Мақалада іскерлік дискурсындағы сендіру категориясы фонетикалық, лексикалық және синтаксистік деңгейлерде талданады.

Зерттеу әдіснамасына сипаттамалық, түсіндірмелік, салыстырмалы, компоненттік және статистикалық талдаулар кіреді. Зерттеу нысанын көпұлтты компаниялардың іскерлік мәтіндері құрайды. Ғылыми жұмыстың нәтижелері іскерлік қарым-қатынастағы сендіруге әртүрлі тілдік деңгейлерде жұмыс істейтін кең ауқымды тілдік құралдар арқылы жүзеге асырылатынын дәлелдейді.

Зерттеу ағылшын іскерлік қарым-қатынасындағы сендірудің теориялық негіздері мен функционалдық сипаттамаларын анықтау арқылы қазақ академиялық контекстінде прагматика мен іскерлік дискурс зерттеулерінің дамуына үлес қосады. Мақаладағы зерттеу нәтижелері іскерлік ағылшын тілін оқытуда, академиялық сендіретін жазу курстарында, мәдениетаралық қарым-қатынаста, стилистикада, риторикада және ағылшын тілін үйренетін студенттер мен бизнес мамандарының коммуникативтік құзыреттіліктерін дамытуда практикалық тұрғыдан қолданылуы мүмкін.

Мақалада іскерлік дискурстағы сендіру аудиторияның қабылдауы мен мінез-құлқына әсер ету үшін жүйелі түрде қолданылатын күрделі лингвистикалық стратегиялар болып табылады деген қорытынды жасалады.