ЖАЛПЫ ОРТА БІЛІМ МЕКЕМЕЛЕРІНДЕ ШЕШЕНДІК ӨНЕР ПӘНІНІҢ ОҚЫТЫЛУ ЖАЙЫ

Аңдатпа

Мақалада білім беру мекемелерінде риториканы/шешендік өнерді оқыту әдістемесінің қалыптасу тарихы, сондай-ақ қазақстандық мектеп оқушыларына шешендік өнерді оқыту жағдайы қарастырылады. Автор риториканың білім беру мекемелерінің оқу пәні ретінде қалыптасуы барлық уақытта белгілі бір заңдылықтарға сәйкес жүзеге асырылған деген пікір айтады.

Сондай-ақ, мақалада қазақстандық мектептерде риториканы оқыту туралы ақпараттық мәліметтер келтірілген. Автор пәннің әр түрлі атаулары мен риториканы оқыту формаларына қарамастан, шешендік өнердің жалпы білім беретін мекемелерге енгізу әрқашан қоғамның жоғары сұранысына байланысты орын алған деп тұжырымдайды.

Автор орта мектепте шешендік өнерді оқыту практикасы теориялық-әдістемелік талдаудың (оқыту әдістері мен құралдарын жүйелеу, дидактикалық материалды іріктеудің ғылыми негіздемесі, жаттығулар жүйесін сараптау және т. б.) толық мәніне айналмағаны, бұл өз кезегінде өткізілетін сабақтардың тиімділігінің төмендеуіне, жүргізілетін сабақтардың нашарлауына, білім сапасының түсуіне әкелетіндігі туралы дәлелді мәліметтер келтіреді.

Қорытындылай келе, автор орта мектепте риториканы (шешендік өнерді) оқыту практикасы (оқыту әдістері мен құралдарын жүйелеу, дидактикалық материалды таңдаудың ғылыми негіздемесі, жаттығу жүйесін сараптау және т.б.) толыққанды теориялық негіздемені қажет ететіндігін атап өтеді.