ДИАТОМИТТІ ҚОЛДАНУ АРҚЫЛЫ ҚҰРЫЛЫС КІРПІШІН ӨНДІРУ МҮМКІНДІГІН ЗЕРТТЕУ
DOI:
https://doi.org/10.62724/202530706Кілт сөздер:
Диатомит, кірпіш, технология, иілмелі қалыптау, жартылай кептіріп қалыптау, жоғары температурада күйдіру, физико-механикалық қасиет.Аңдатпа
Мақалада кремнийлі жыныстарға жататын табиғи қазба – диатомитті зерттеу, талдау және құрылыс материалдары өнеркәсібінде қолдану әдістері мен тәсілдері қарастырылған. Ақтөбе облысындағы диатомитке жүргізілген ғылыми зерттеудің міндеті – диатомитті қазіргі таңдағы азаматтық және өнеркәсіптік құрылыс салаларындағы құрылыс ұйымдарында қолдану мүмкіндігін талдау, сонымен қатар диатомиттен жылу оқшаулағыш кірпіш өндіру технологиясын әзірлеу. Ғылыми-зерттеу жұмысының мақсаты – Қазақстан Республикасы үшін заманауи азаматтық және өнеркәсіптік құрылыс саласында пайдалану мақсатында Батыс Қазақстан өңірінің диатомиті негізінде құрылысқа арналған энергия үнемдейтін материалдар өндіру технологиясын әзірлеу. Мақалада диатомиттің шығу тегі баяндалады. Диатомиттің физика-механикалық қасиеттері құрылыс материалдары бойынша университет зертханасының құрал-жабдықтарын пайдалана отырып, зертханалық зерттеулер арқылы зерттелді. Диатомит жеке материал ретінде де, құрылыс материалдарын өндіру үшін толтырғыш ретінде қолданылатын термолитті дайындауға арналған шикізат ретінде де зерттелді. Термолит зертханалық жағдайда опоканы 1150°С температурада жоғары температуралы күйдіру арқылы дайындалды. Жүргізілген ғылыми зерттеулердің нәтижесінде диатомиттің, термолиттің және диатомиттен жасалған жылу оқшаулағыш кірпіштің негізгі физика-механикалық қасиеттері анықталды.
##plugins.themes.default.displayStats.downloads##
