БҮГІНГІ БҰҚАРАЛЫҚ АҚПАРАТ ҚҰРАЛДАРЫ КЕҢІСТІГІНДЕГІ ЛИНГВОЭКОЛОГИЯ МӘСЕЛЕЛЕРІ
DOI:
https://doi.org/10.62724/202430206Кілт сөздер:
Лингвоэкология, әдеби норма, әдеби тіл, стильдік қателер, жазба тіл, ауызша тіл, экстралингвистикалық фактор, бұқаралық ақпарат құралдары.Аңдатпа
Бүгінгі таңда ақпараттық кеңістігімізден өз орнын алып, қызметтерін белсенді атқарып жүрген бұқаралық ақпарат құралдарының саны жылдан жылға көбейіп келеді. Әсіресе, қазақ тілінде ақпарат тарататын телеарналар мен сайттардың, порталдардың артып отырғанын байқаймыз. Қазақ тілінде ақпарат тарататын БАҚ-тың санын да, олардағы хабарлардың сапасын да арттыру қазіргі таңда - маңызды мәселе. Зерттеу жұмысының мақсаты – әлеуметке қызмет ететін БАҚ тілінің мәдениетін саралап, оны сараптап-зерделеп, нормаға сай тұстарын үлгі етіп, кемшіліктерін атап көрсету. Осы мақсатқа жету үшін мақалада теледидар, баспасөз бетіндегі лингвоэкология мәселесі сөз болып, сөз қолданыста жиі ұшырасатын тілдік қате қолданыстар мен стильдік қателер, әдеби тіл нормасына сай емес қолданыстар, жасанды мақал-мәтелдер тіл мәдениеті талаптары тұрғысынан жан-жақты талданды. Жиі оқылатын, қаралатын баспасөз және теледидардан мысалдар келтірілген. Мақалада тіл экологиясын жақсартуға, экстралингвистиклық факторларға үйлесімді төтеп берудің жолдары айтылып, өзіндік ғылыми ұсыныстар берілген. Мақала жазу барысында зерттеу, талдау, бақылау әдістер қолданылды. Мақаланың зерттеу тұжырымдары мен талдаулары мемлекеттік тілде жүргізілетін барлық телехабар мен жарияланатын мақала авторларына, журналистерге, тілге жанашыр қауымға арналады.
##plugins.themes.default.displayStats.downloads##
