ИНФОРМАТИКА САБАҚТАРЫНДА ЖОБАЛЫҚ ЖҰМЫС ӘДІСІН ҚОЛДАНУ АРҚЫЛЫ ОҚУШЫЛАРДЫҢ ШЫҒАРМАШЫЛЫҚ ҚАБІЛЕТТЕРІН ДАМЫТУ
DOI:
https://doi.org/10.62724/202610304Кілт сөздер:
Жобалық жұмыс, информатика, шығармашылық қабілет, цифрлық ойлау, педагогикалық эксперимент, оқыту технологиясы, жобалық әдіс.Аңдатпа
Бұл зерттеу информатика сабақтарында жобалық жұмыс әдісін қолдану арқылы оқушылардың шығармашылық қабілеттерін дамыту алғышартынан туындайды. Соңғы жылдары ақпараттық технологиялардың жылдам дамуы мектеп оқушыларының жаңаша ойлауын, креативті тапсырмаларды орындауын талап етеді. Бұл мақалада жобалық оқытудың мәні, оның оқушылардың шығармашылық дағдыларын арттырудағы рөлі қарастырылған. Зерттеу қажеттілігі қазіргі білім беру жүйесіндегі практикалық және зерттеушілік дағдылардың жеткіліксіз қалыптасуымен байланысты. Практикалық мысалдар арқылы жоғарғы сынып оқушыларының бағдарламалау, веб-жобалау, цифрлық өнім әзірлеу барысында шығармашылық әлеуетін дамыту жолдары көрсетіледі.
Ғылыми зерттеу барысында педагогикалық бақылау, сараптамалық бағалау, салыстырмалы талдау және оқыту эксперименті әдістері қолданылды. Бұл әдістер жобалық іс-әрекеттің оқушылар көрсеткішіне ықпалын кешенді анықтауға мүмкіндік берді. Зерттеу нәтижесінде жобалық әдіс қолданылған сыныптарда шығармашылық тапсырмаларды орындау сапасы 28–34% аралығында артқаны анықталды; оқушылардың алгоритмдік ойлау, модельдеу және рефлексия жасау қабілеттері айқын жақсарды. Сонымен қатар, жобалау кезеңдерінде топтық коммуникация деңгейі өскені белгіленді. Алынған нәтижелер информатика пәні мұғалімдерінің жобалық оқытуды жоспарлауына, цифрлық білім беру ресурстарын әзірлеуге және оқыту әдістемесін жетілдіруге қолданылуы мүмкін.
##plugins.themes.default.displayStats.downloads##
