ҚАЗІРГІ КЕЗЕҢДЕ ҚАЗАҚ ДИАСПОРАСЫНЫҢ ҚАЛЫПТАСУЫ МЕН ДАМУЫ: ТАЛДАМАЛЫҚ ШОЛУ

Аңдатпа

Тәуелсіздіктің алғашқы жылдарынан бастап Қазақстан Республикасы елден тыс жерде тұратын қазақ диаспорасымен белсенді байланыста болып келеді.Бұған қорытындылары жарияланған зерттеулер және осы тұжырымды растайтын мұрағаттық материалдар дәлел бола алады. Болашақта бұндай әрекеттер дүниежүзіндегі қазақтар арасындағы көші-қон мен өзара іс-қимылдың ауқымы кеңейіп, қазақ халқының халықаралық байланыстарының жаһандық жүйесін қалыптастыруға ықпал етуіне күмән жоқ.Бұл Қазақстан мемлекетінің өз ұлтын біріктіруге және тарихтың әртүрлі кезеңдерінде кетуге мәжбүр болған қандастардың тарихи Отанына оралуына бағытталған алғашқы бастамаларының бірі. Патшалық отарлау саясаты кезінде олар қудалаудан қашты, ал кеңестік кезеңде жиі қуғын-сүргінге ұшырап, «халық жауы» және «сатқындар» деп жарияланды. Қазақ ұлтын біріктіру мақсатында қазір жүргізіліп жатырған бұл саясатты Қазақстанның егемендігі мен тәуелсіздігінің жарқын көрінісі ретінде қарастыруға болады.Бірнеше ғасырлар бойы болған қазақтардың көші-қон тарихын талдай отырып, олардың көпшілігі мәжбүрлі болды деген қорытындынытүйіндеуге болады. Бұндай мәжбүри қоныс аударулар оларды байыту немесе басқа мемлекеттердің ішкі істеріне араласу мақсаттарын көздемегені белгілі. Керісінше, олар әлеуметтік теңсіздіктен, заңсыздықтан, зорлық-зомбылықтан және ұлт ретінде жойылу қаупінен аулақ болуға ұмтылды.