ҚҰБЫРІШІЛІК ДИАГНОСТИКА НӘТИЖЕЛЕРІ БОЙЫНША МАГИСТРАЛЬДЫҚ ҚҰБЫРЖОЛДАРДЫҢ ЖАЙ-КҮЙІН КЕШЕНДІ БОЛЖАУ

Аңдатпа

Аңдатпа. 

Магистральдық құбырлардың қауіпсіздігін басқарудың негізгі элементтері диагностика, диагностика нәтижелерін талдау, беріктік пен қалдық ресурсты есептеу, болжау, практикалық шешімдерді қабылдау, жөндеу-қалпына келтіру жұмыстары, пайдалану процесінде технологиялық параметрлерді бақылау болып табылады. Бұл элементтердің барлығы қандай да бір дәрежеде әр түрлі дамиды: кейбіреулері жылдам, кейбіреулері артта қалумен.

Бұдан басқа, әрбір құбырда әртүрлі ақаулар кездеседі. Олар металлургиялық (қатпарлану, металл емес қосылулар), құрылыс (майысу, тегіс емес, дәнекерлеу ақаулары) немесе пайдалану (тоттану, механикалық зақымдану) болуы мүмкін. Бұл кемшіліктердің барлығы құбырішілік диагностика жүргізу кезінде анық көрінеді.

Бірақ құбырішілік диагностика жүргізгеннен кейін анықталған ақаулардың қауіптілігін дұрыс бағалау және жақсы негізделген жөндеу жоспарларын қабылдау аса өзекті проблема болды. Бұл жерде барынша тиімділікке қол жеткізу маңызды: шын мәнінде қауіпті ақауларды назардан тыс қалдыруға болмайды, бірақ қауіпсіз зақымдануларды жөндеу да тиімсіз, өйткені бұл артық шығындарға әкеледі. Сондықтан жөндеу жұмыстарының көлемі ақаулардың сипатына және құбырларды пайдалану шарттарына дәл сәйкес келуі тиіс. Осылайша мұнай құбырларында мұнайды қауіпсіз және тоқтаусыз айдау үшін құбырішілік диагностика жүргізу әдісімен құбырлардың қауіпсіздігін болжау жүргізілуі тиіс. Бұл ретте құбырлар басқа да ірі өнеркәсіптік объектілер сияқты қоршаған ортаға қауіп төндіруі мүмкін екенін есте сақтау маңызды. Сондықтан құбыр көлiгi жүйелерiнiң қауiпсiздiгi мәселелерi өзектi болып қалуда және тұрақты талдау мен жетiлдiрудi талап етедi. Бұл бапта осы саладағы барлық проблемаларды түпкілікті шешу мақсаты қойылмайды, алайда олардың бір бөлігін қарау және шешу жолдарын ұсынуға әрекет жасалды.